ABIB Yuja Essence Vitalizing Pump

Me kalimin e viteve, lëkura fillon dhe shfaq shenjat e para të moshës duke humbur fillimisht elasticitetin e saj. ABIB Yuja Essence Vitalizing Pump është esencë e formuluar me ekstrakt të frutit yuja (ose yuzu), një frut hibrid midis mandarinës dhe limonit, i cili është mjaft i njohur për vetitë e tij kundër plakjes së lëkurës dhe hiperpigmentimin. Ky frut është i pasur me antioksidantë të cilët nxisin prodhimin e kolagjenit, duke reduktuar kështu shfaqjen e vijave apo rrudhave. Nga ana tjetër ky frut ndihmon në ndalimin e mbiprodhimit të melaninës, për të reduktuar shfaqjen e njollave kafe në lëkurë, si dhe zbeh ato që tashmë janë ekzistente. Ajo çka e bën shumë të veçantë këtë esencë është fakti që me vetëm një aplikim, kjo esencë i ofron lëkurës shumë gjallëri dhe një pamje plot shëndet dhe energji! Edhe pse fruti yuja ka përqindje shumë të lartë të vitaminës C, kjo esencë nuk oksidohet aspak. Nga ana tjetër formulimi me niacinamide, bën të mundur minimizimin e poreve dhe mban në kontroll sebumin e tepërt. Çfarë ka tjetër veçori kjo esencë? Aroma e saj është thjesht fantastike dhe do të bëhet një nga arsyet e zgjimit në mëngjes plot energji! E përshtatshme për të gjitha tipet e lëkurës, duke iu adresuar shenjave të moshës dhe zbehjes së hiperpigmentimit.

Formula e saj është hipoalergjike dhe e testuar dermatologjikisht. Nuk përmban përbërës të dëmshëm dhe irritues për lëkurën, si: alkool, paraben, silikon, sulfate, fragrancë artificiale.

*50ml

Pasi të keni pastruar lëkurën me larësin e rutinës suaj, dhe e keni përgatitur me tonerin, merrni një sasi të konsiderueshme (1-2 sprucime) të esencës dhe shpërhapeni atë në fytyrë dhe në qafë, derisa lëkura ta ketë përthithur tërësisht. Vazhdoni më tej me hapat e tjerë të rutinës suaj. Këshillohet të përdoret në mëngjes dhe mbrëmje.

Përbërësit "magjik"

ekstrakt i frutit yuja, niacinamide

Lista e plotë e përbërësve

Citrus Junos Peel Extract, Butylene Glycol, Dipropylene Glycol, 1,2-Hexanediol, Water, Glycereth-26, Niacinamide, Chondrus Crispus Extract, Saccharum Officinarum (Sugarcane) Extract, Sodium Hyaluronate, Lactobacillus Ferment Lysate, Panthenol, Acrylates/C10-30 Alkyl Acrylate Crosspolymer, Choleth-24, Glycerin, Diphenyl Dimethicone, Tromethamine, Triethylhexanoin, Hydrogenated Lecithin, Ethylhexylglycerin, Citrus Junos Peel Oil, Pentylene Glycol, Tocopherol, Ascorbic Acid, Disodium EDTA, Limonene

ABIB është një markë koreane në industrinë e përkujdesjes së lekurës e themeluar në Janar 2016. Emri i saj, Abib, përkthehet si muaji i parë i kalendarit të lashtë hebraik dhe simbolizon një fillim të ri në përkujdesjen ndaj vetes.

Ekspertët e Abib punojnë për të krijuar formulime dhe produkte sa më inovative, që nxisin lëkurën në mënyrë sa më natyrale të mundshme në: procesin e largimit të qelizave të vdekura dhe rigjenerimit e tyrej; mbrojtjen ndaj përbërësve toksikë dhe agresorëve të jashtëm; ngadalësimin e procesit të plakjes.

Me të njëjtin përkushtim dhe pasion, Abib bën punë të palodhur kërkimore për të sjellë paketime të thjeshta dhe minimaliste, që jo vetëm ngjajnë bukur, por dhe mbrojnë përmbajtjen e produktit nga faktorët e jashtëm.