ROVECTIN Skin Essentials Aqua Activating Serum

Aqua Activating Serum, është serumi i linjës Barrier Repair nga marka më inovatie ROVECTIN. Një serum hipoalergjik i pasur me aminoacide dhe antioksidantë që i ofron lëkurës hidratim të thellë, minimizon linjat e holla dhe njëtrajtëson tonin e lëkurës. Në përbërjen e tij gjendet një formulim i Vitaminës E, acidit hyaluronic dhe trehalose, tre përbërës të cilët mundësojnë hidratim dhe ruajtje të lagështisë natyrale të lëkurës, pa dëmtuar aspak barrierën mbrojtëse delikate të saj. Një tjetër e veçantë në përbërjen e këtij serumi është Argireline: një lloj peptide me peshë të vogël molekulare që depërton më shpejt në lëkurë për të minimizuar pamjen e rrudhave. Gjithashtu serumi ka në përbërje niacinamide, një formë e vitaminës B3, e cila luan një rol shumë të veçantë në ndërtimin e proteinave të lëkurës. Niacinamidet njihen për vetitë e fuqishme që kanë në tkurrjen e madhësisë së poreve, trajtimin e hiperpimentimit post-akne, si edhe nxitjen e prodhimit të kolagjenit dhe vetëshërimin e lëkurës. Nga ana tjetër formulimi i këtij serumi me adenosine do të ndihmojë në qetësimin, shërimin si edhe në mbrojtjen e barrierës së lëkurës nga agresorët e jashtëm si dhe nga radikalet e lira.  I përshtatshëm për të gjitha tipet e lëkurës, veçanërisht atyre që i adresohen hiperpigmentimit dhe shenjave të moshës.

Formula e saj është hipoalergjike, e testuar dermatologjikisht dhe nuk përmban përbërës të dëmshëm dhe irritues për lëkurën, si: alkool, paraben, silikon, sulfate, fragrancë artificiale.

*35ml

Përdoreni pas tonerit dhe/ose pas esencës. Merrni një sasi të konsiderueshme në duar dhe shpërhapeni atë në fytyrë, qafë dhe dekolte, derisa lëkura ta ketë përthithur tërësisht. Këshillohet të përdoret në mëngjes dhe mbrëmje. Vazhdoni më tej me hapat e tjerë të rutinës suaj.

Përbërësit "magjik"

 Vitaminës E, acidit hyaluronic, trehalose, Argireline, Niacinamide dhe Adenosinë.

Lista e plotë e përbërësve

water, propanediol, glycerin, 1,2-hexanediol, niacinamide, isononyl isononanoate, adenosine, acetyl hexapeptide-8, arginine, sodium hyaluronate, malachite extract, aloe barbadensis leaf juice, acrylates/c10-30 alkyl acrylate crosspolymer, polyglyceryl-10 laurate, polyglyceryl-10 myristate, caprylic/capric triglyceride, ammonium acryloyldimethyltaurate/vp copolymer, amodimethicone, trehalose, pvp, butylene glycol, ethylhexylglycerin, disodium edta

Marka koreane ROVECTIN lindi nga besimi i themeluesit të saj z.Lee, se një lëkurë e shëndetshme dhe e bukur ndikon në cilësinë e jetës, sepse lidhet drejtpërsëdrejti me vetëbesimin e gjithësecilit. Teksa shikonte motrën e tij që vuante nga sëmundja e kanceri, dhe lëkura e saj ishte irrituar dhe dehidratuar nga efektet anësore të kimioterapisë, ai krijoi markën e tij ROVECTIN. Filozofia e markës shprehet edhe nëpërmjet emrit që vjen nga fjala në latinisht “reverti” që do të thotë “kthim”, pra që të kthesh lëkurën në gjendjen fillestare. Fokusi i saj qëndron në zhvillimin e produkteve me efekt shërues dhe rigjenerues për barrierën e lëkurës. Prej formulës ekskluzive Repair Complex, ROVECTIN u bë marka më e besueshme e përkujdesjes ndaj lëkurës, si për pacientët, ashtu dhe për spitalet dhe dermatologët në të gjithë Korenë e Jugut. Linja “The Skin Essentials” përmban këtë formulim të veçantë në produktet e saj. Larësi ujor “Skin Essentials Conditioning Cleanser’, toneri “Skin Essentials Activating Treatment Lotion”, dhe vaji i fytyrës “Skin Essentials Barrier Repair Face Oil”, renditen me shumë krenari në koleksionin e Koral Secrets.